مسائل کا حل توبہ واستغفار کرتے ہوئے دین پر چلنے میں ہے

ساہیوال(بیوروچیف) ہمارے تمام مصائب و مشکلات اور مسائل کا حل توبہ و استغفار کرتے ہوئے دین پر مکمل چلنے اوراسوئہ رسول اکرم پر عمل پیر اہونے میں ہے محفل میلاد مصطفی دین اور دنیا کی بھلائی کے لئے مسلمانوں کی راہ نجات ہے مسلمانوں کو چاہئے کہ وہ سنت نبی پر عمل پیرا ہو کر اپنی آخرت سنواریں مرزا امین عابد،مرزا محمد ےٰسین۔تفصیل کے مطابق سینئر وائس پریذیڈنٹ ایپکا ڈویژن ساہیوال بلڈنگ ڈیپارٹمنٹ مرزا امین عابد نے نزد طیبہ مسجد فتح شیر کالونی اپنے گھر میں محفل میلاد کے دوران کہا کہ نبی پاک پر درود و سلام بھیجنے اور سنت پر عمل کرنے سے ہی دنیا اورا خرت میں نجات ملتی ہے ۔محفل میں خصوصی خطاب حضرت علامہ مولانا عبد المجید ،تلاوت حافظ مظفر چاندقادری، نقابت علی حسنین قصوری،نعت خواں محمد اظہر قادری،حافظ شعیب عزیز قادری،فیصل فریدی،تقی الرحمن فریدی،فیصل کمال،عبد المقیت قادری کے علاوہ عظیم مغل،عدیل مغل،مرزا ابرار خالد،مرزا اسرار خالد کے علاوہ ہزاروں عیقدت مندوں اور عشق مصطفی سے تعلق رکھنے والے حاضرین نے شر کت کی۔مرزا امین عابد نے مزید کہا کہ ہمارے تمام مصائب و مشکلات اور مسائل کا حل توبہ و استغفار کرتے ہوئے دین پر مکمل چلنے اوراسوئہ رسول اکرم پر عمل پیر اہونے میں ہے۔ اللہ والوں کی صحبت اور ان کی محافل میں شرکت دنیا میں کامیابی اورآخرت میں نجات کا بہترین ذریعہ ہیں ہمیں مساجد و مدارس اور خانقاہوں کے ساتھ اپنے تعلق کو مضبوط کرنا ہوگا۔