مسجد نبوی ۖ میں سونے اور ڈیرہ ڈالنے والوں کیخلاف کارروائی کااعلان

ریاض (مانیٹرنگ ڈیسک)مسجد نبوی الشریف میں انتظامی امور کے ذمہ دار عبدالرحمان الاحمدی کا کہنا ہے کہ مسجد نبوی ۖمیں سونے، ڈیرہ ڈالنے اور راہ داریوں پر بیٹھنے کے رجحان کو ختم کرنے کیلئے جامع انداز میں کارروائی کررہے ہیں۔ الاحمد نے سعودی ٹی وی الاخباریہ کے پروگرام میں گفتگو کرتے ہوئے مزید کہا کہ مسجد نبوی الشریف میں آنے والوں کو چاہئے کہ وہ مسجد کے تقدس کا خیال کریں، یہاں زیادہ سے زیادہ وقت عبادت میں گزاریں۔انہوں نے بتایا کہ انتظامیہ کی جانب سے خصوصی کمیٹی تشکیل دی گئی ہے جو راہ داریوں پر ڈیرہ ڈالنے اور سونے والوں کیخلاف کارروائی کرے گی۔منتظم کا مزید کہنا تھا کہ نگراں ٹیمیں مسجد نبوی الشریف کے مختلف مقامات پر موجود ہوتی ہیں جو اس قسم کے حالات کی فوری رپورٹ متعلقہ ادارے کو کرتی ہیں۔واضح رہے بعض لوگ مسجد نبوی الشریف میں فرض نمازوں کی ادائیگی کے بعد سو جاتے ہیں۔ اس حوالے سے انتظامیہ کی جانب سے اس رجحان کو ختم کرنے کیلئے کمیٹی تشکیل دی گئی ہے تاکہ لوگوں کو ڈیرہ ڈالنے اور راہ داریوں میں سونے سے باز رکھا جاسکے8