مشکل وقت میں عوام کو تنہا نہیں چھوڑیں گے، نواز شریف

لاہور (بیوروچیف) پاکستان مسلم لیگ (ن) کے صدراور سابق وزیر اعظم محمدنواز شریف نے کہا ہے کہ مشکل وقت میں پہلے کبھی عوام کو تنہا چھوڑا نہ اب چھوڑیں گے، انھوں نے پنجاب حکومت کو عوامی ریلیف کے منصوبوں پر توجہ مرکوز کرنے کی ہدایت کرتے ہوئے کہا عوام کا بھرپور خیال رکھیں گے ،وزیر اعلی پنجاب مریم نوازاور نواز شریف کی زیرصدارت وزیراعلیٰ ہائوس میں اہم اجلاس میں صوبے کے ترقیاتی منصوبوں کے بارے میں حکمت عملی پر غور کیا گیا ، وزیراعلی نے عوامی جمہوریہ چین کی 75ویں سالگرہ کے گولڈن ویک کے آغاز پر اپنے پیغام میں چین کے عوام کو خصوصی مبارکباد پیش کی اورصدر شی جن پنگ او ران کے رفقا کار کے لئے نیک تمنائوں کااظہا ر کیا۔وزیراعلیٰ نے کہا کہ بزرگوں کو سلام ہے ۔ وزیراعلیٰ نے کہا پاک چین دوستی حکومت سے عوام کی سطح تک ناقابل تردید حقیقت ہے-چینی تعاون سے پاکستانی معیشت کی ترقی اور استحکام میں مدد مل رہی ہے-پاکستان اور چین سی پیک کی مشترکہ تعمیر کے لئے پر عزم ہیں ،دریں اثنا وزیر اعلی نے مال روڈ پر دھرنا دینے والے نابینا افراد اور پولیس اہلکاروں کے مابین تصادم میں اہلکاروں اور نابینا افرادکے زخمی ہو نیکا نوٹس لیتے ہوئے حکام کونابینا افراد سے کسی قسم کی سختی نہ کرنے اور چیف سیکریٹری کو نابینا افراد سے بات چیت کرکے مسائل حل کرنے کی ہدایت کی۔