مشہور بھارتی ڈرامے کی روبوٹ کرشمہ نے شادی کرلی

ممبئی (شوبز نیوز) بھارت کے مشہور ڈرامے کرشمہ کا کرشمہ میں روبوٹ کا کردار ادا کرنے والی جھنک شکلا پیا دیس سدھار گئیں۔انگریزی سیریز دی اسمال ونڈر کا چربہ ڈرامہ کرشمہ کا کرشمہ اس صدی کی ابتدائی دہائی میں بچوں کا پسندیدہ ترین شو تھا۔ ڈرامے میں روبوٹ کا کردار ادا کرنے والی جھنک شکلا نے سوپنل سوریاونشی سے شادی کرلی ہے، جن کی تصاویر اور ویڈیوز سوشل میڈیا پر وائرل ہورہی ہیں۔جھنک شکلا مشہور بھارتی ٹیلی ویژن اداکارہ سپریا شکلا کی بیٹی ہیں۔ جھنک نے ڈرامہ سیریل کنڈلی بھاگیہ سے بے پناہ شہرت حاصل کی۔