ملک بھرمیں آج سے اتوار تک بارشوں کا امکان

اسلام آباد (بیوروچیف)محکمہ موسمیات نے آج سے اتوار تک ملک میں بارشوں کا امکان ظاہر کیا ہے۔ محکمہ موسمیات کا کہنا ہے کہ مغربی ہواوں کا سلسلہ آج ملک کے مغربی حصوں میں داخل ہوگا اور کل تک بالائی اور وسطی حصوں کو اپنی لپیٹ میں لے گا۔ بلوچستان کے 16 اضلاع میں آج سے 29 مارچ تک بارش کا امکان ہے۔ جمعرات اور جمعہ کے روز سکھر، جیکب آباد، کشمور، لاڑکانہ اور دادو میں تیز ہواوں اور گرج چمک کے ساتھ بارش کی پیش گوئی کی گئی ہے۔ اسلام آباد، پنجاب، خیبر پختونخوا، گلگت بلتستان اور کشمیر میں بھی آج سے 31 مارچ تک بارشوں کا امکان ہے۔