ملک بھر میں ای کورٹس نظام کیلئے لائحہ عمل تشکیل

اسلام آباد ( بیوروچیف) چیف جسٹس سپریم کورٹ نے ملک بھر میں ای کورٹس نظام کیلئے لائحہ عمل تشکیل دے دیا۔ چیف جسٹس یحییٰ آفریدی کی زیرصدارت اجلاس ہوا جس میں جسٹس محمد علی مظہر، ہارون رشید، بیرسٹر علی ظفر سمیت مختلف اداروں کے حکام نے شرکت کی۔ اجلاس میں عدالتی نظام کو زیادہ شفاف اور عوام دوست بنانے کیلے مختلف امور کاجائزہ لیا گیا۔چیف جسٹس نے کہاکہ ہ عدلیہ کا ڈیجیٹل ٹرانسفارمیشن عوامی مفاد پر مبنی اصلاحی عمل ہے۔ انہوں نے کہا کہ مقصد شفافیت اور کارکردگی کو بہتر بنانا ہے۔ تمام اسٹیک ہولڈرز کو اس عمل میں شامل کیا جایگا۔ اگست 2026 تک پاکستان کی تمام عدالتیں سولر انرجی پر منتقل کی جائیں گی۔چیف جسٹس نے فیڈرل جوڈیشل اکیڈمی کو اسٹیک ہولڈرز کیساتھ مشاورت کی ہدایت کرتے ہوئے کہاکہ ای لائبریریز، خواتین سہولت مراکز، صاف پانی کی فراہمی کے منصوبے بھی مکمل ہونگے۔