ملک سے رواں سال دہشتگردی ختم کرنیکا اعلان

اسلام آباد(مانیٹرنگ ڈیسک) مسلم لیگ ن کے رہنما خرم دستگیر نے ملک سے رواں سال دہشتگردی ختم کرنے کا اعلان کر دیا۔مسلم لیگ ن کے رہنما خرم دستگیر نے نجی ٹی وی کے پروگرام میں گفتگو کرتے ہوئے کہا کہ حکومت سنجیدہ ہے، 2026ئپاکستان سے دہشتگردی ختم کرنے کا سال ہوگا۔خرم دستگیر نے کہا کہ ملکی خوشحالی کی راہ میں نمبرون رکاوٹ دہشت گردی ہے، دہشت گردی کے 80 فیصد واقعات خیبر پختونخوا میں ہو رہے ہیں، پی ٹی آئی دہشت گردی کے ون پوائنٹ ایجنڈے پر بات کرنا چاہتی ہے تو حکومت تیار ہے، کل ہی بات شروع کر سکتی ہے۔ن لیگ کے سینئر رہنما کا کہنا ہے کہ قومی اسمبلی کے اگلے اجلاس میں دہشتگردی پر قومی اتفاق رائے پیدا کرنے کی کوشش کی جائے گی۔