مو بائل فونز کےIMEIبدلنے والا بڑا نیٹ ورک بے نقاب

اسلام آباد (بیوروچیف) اسلام آباد پولیس نے ملک کے مختلف شہروں میں بڑی کارروائی کرتے ہوئے چند منٹ میں موبائل فون کی شناخت مٹانے والے آئی ایم ای آئی چینجنگ نیٹ ورک کو بے نقاب کر دیا ۔ اسلام آباد پولیس نے اب تک کی بڑی کارروائی میں چند منٹوں میں موبائل فون کی شناخت مٹانے والے نیٹ ورک کے ماسٹر مائنڈ کوگرفتارکرلیا ہے، پولیس کے مطابق آئی ایم ای آئی چینج کرنے والا یہ ریکٹ پنجاب بھر میں پھیلا ہوا تھا، جسے توڑ دیا گیا۔ پولیس کا کہنا ہے کہ ملزمان اسلام آباد کے ایک پوش علاقے میں بیٹھ کر یہ غیر قانونی سرگرمیاں چلا رہے تھے اور انکا ہدف دو لاکھ روپے سے زائد مالیت کے قیمتی موبائل فونز ہوتے تھے۔تحقیقات کیمطابق اسلام آبادمیں پکڑے جانیوالے ایک چور سے تفتیش کے دوران اس پورے نیٹ ورک کا سراغ ملا، جس کے بعد پنجاب اورخیبرپختونخوا کے مختلف شہروں میں کارروائیاں کی گئیں اور سولہ ملزمان کو گرفتار کیا گیا، پولیس نے مزید انکشافات کیلئے تحقیقات کا دائرہ وسیع کر دیا ہے۔