مکیش کھنہ کی شتروگھن سنہا سے متعلق بیان پر وضاحت

ممبئی (شوبز نیوز)بالی ووڈ کے شکتی مان اسٹار مکیش کھنہ نے شتروگن سنہا سے متعلق بیان پر ان کی بیٹی سناکشی سنہا کو وضاحت پیش کردی۔مکیش نے وضاحت دی کہ ان کا مقصد کوئی بات بری نیت سے کہنا نہیں تھا، میڈیا سے گفتگو کرتے ہوئے انہوں نے کہا کہ میں حیران ہوں کہ سناکشی نے اس پر ردعمل دینے میں اتنا وقت لیا، مگر میرا مقصد نئی نسل کی علم کی کمی واضح کرنا تھا اور میری نظر میں سوناکشی سنہا اس وقت ایک موزوں مثال تھیں جو کون بنے گا کروڑ پتی میں رامائن سے متعلق سوال کا جواب نہیں دے پائی تھیں۔یاد رہے کہ مکیش کھنہ اور سناکشی سنہا کے درمیان سوشل میڈیا پر لفظی جنگ جاری ہے اس بحث کا آغاز 2019 میں کون بنے گا کروڑ پتی کے ایک ایپی سوڈ سے ہوا تھا، جب سوناکشی سنہا رامائن سے متعلق ایک سوال کا جواب دینے میں ناکام رہیں۔