مہنگائی کا سیلاب غریب عوام کو بہا لے گیا

جڑانوالہ(نامہ نگار)مہنگائی کا جن بے قابو، قیمتوں میں بے تحاشا اضافہ کے باعث اشیائے خوردونوش عوام کی پہنچ سے دور، پرائس کنٹرول مجسٹریٹس کمروں تک محدود ہو کر رہ گئے،عوامی سماجی حلقوں کا حکام بالا سے نوٹس لینے کا مطالبہ،تفصیلات کے مطابق پرائس کنٹرول مجسٹریٹس کی مبینہ چشم پوشی کے باعث مہنگائی کا جن بے قابو ہو چکا ہے سردی کے باعث پرائس کنٹرول مجسٹریٹس قیمتیںو معیار چیک کرنے کی بجائے کمروں تک محدود ہو چکے ہیں اور افسران بالا کی جانب سے جاری کردہ ہدایت کے باوجود اوپن مارکیٹ میں فروخت ہونے والے چکن اور انڈوں کی قمیتں چیک کرنے کی بجائے سب اچھا کی رپورٹ پیش کر رہے ہیں پرائس کنٹرول مجسٹریٹس کی مبینہ آشیرباد سے مافیا نے اپنی من مرضی کے ریٹ مقرر کر رکھے ہیں اوپن مارکیٹ میں اشیائے خوردونوش عوام کی پہنچ سے دور ہو چکی ہے شہریوں کا کہنا ہے کہ مہنگائی کے بوجھ تلے دبی عوام پہلے ہی دو وقت کی روٹی کو ترس چکے ہیں رہی سہی کسر آئے روز اشیائے خوردونوش کی قمیتوں میں ہونیوالے اضافہ نے نکال دی ہے اب تو آٹا چینی ڈالیں گھی بھی عوام کی پہنچ سے دور ہو چکے ہیں اب اپنے بچوں کو”کھالیں تو کیا کھالیں”شہریوں کا مزید کہنا ہے کہ پرائس کنٹرول مجسٹریٹس بھاری تنخواہوں اور مراعات حاصل کرنے کے باوجود مصنوعی مہنگائی کے مرتکب مافیا کے خلاف کارروائی سے گریزاں ہیں اور عملی طور پر کارروائیاں کرنے کی بجائے زبانی جمع خرچ تک محدود ہو چکے ہیں عوامی سماجی حلقوں نے نگران وزیر اعلی پنجاب،کمشنر،ڈپٹی کمشنر فیصل آباد اور اسسٹنٹ کمشنر جڑانوالہ عبدالحنان خان سے مطالبہ کیا ہے کہ اشیائے خوردونوش کی قمیتوں میں اضافہ کرنے والوں کیخلاف بلاامتیاز کریک ڈان کیا جائے۔