نئی ون ڈے رینکنگ’ بابراعظم ٹاپ تھری بیٹرز کی فہرست سے باہر

دبئی (سپورٹس نیوز) افغانستان کے اوپننگ بلے باز ابراہیم زدران نے بنگلہ دیش کے خلاف حال ہی میں ختم ہونے والی سیریز میں شاندار پرفارمنس کے بعد آئی سی سی ون ڈے رینکنگ میں آٹھ مقام چڑھ کر دوسری پوزیشن حاصل کی ہے۔پاکستان کے بابر اعظم 739 ریٹنگ پوائنٹس کے ساتھ چوتھے نمبر پر ہیں جب کہ بھارت کے روہت شرما تیسرے نمبر پر ہیں۔نئے مقرر کردہ ہندوستانی ون ڈے کپتان شبمن گل رینکنگ میں سرفہرست ہیں۔پاکستان کے ون ڈے کپتان محمد رضوان اور اوپنر فخر زمان بالترتیب 25ویں اور 27ویں پوزیشن پر برقرار ہیں۔ دریں اثنا سلمان آغا اور امام الحق ایک ایک درجہ ترقی کر کے 39 ویں اور 41 ویں نمبر پر پہنچ گئے۔ صائم ایوب اس وقت 54 ویں نمبر پر ہیں جبکہ عبداللہ شفیق 98 ویں نمبر پر ہیں۔آئی سی سی ون ڈے بالرز کی رینکنگ میں افغانستان کے آل رانڈر راشد خان نے جنوبی افریقہ کے کیشو مہاراج کو پیچھے چھوڑتے ہوئے پہلے نمبر کا دعوی کیا ہے جو اب دوسرے نمبر پر ہیں۔ سری لنکا کی مہیش تھیکشنا تیسرے نمبر پر ہیں۔پاکستان کی جانب سے بائیں ہاتھ کے فاسٹ بولر شاہین آفریدی 15ویں، حارث رف ایک درجہ تنزلی سے 29ویں، ابرار احمد 38ویں اور نسیم شاہ 43ویں نمبر پر ہیں۔آئی سی سی کی ون ڈے آل رانڈرز کی رینکنگ میں افغانستان کے عظمت اللہ عمرزئی نے زمبابوے کے سکندر رضا کو پیچھے چھوڑ کر ٹاپ پوزیشن حاصل کر لی ہے جبکہ ساتھی محمد نبی تیسرے نمبر پر ہیں۔ پاکستان کے سلمان آغا 20 ویں نمبر پر برقرار ہیں جبکہ شاہین آفریدی 28 ویں اور نسیم شاہ 37 ویں نمبر پر ہیں۔ حارث رف صائم ایوب کے ساتھ 54ویں اور محمد نواز 95ویں نمبر پر پہنچ گئے ہیں۔