ناصر اقبال نے آسٹریلیا میں ایک اور ٹورنامنٹ جیت لیا

سڈنی(سپورٹس نیوز) پاکستانی اسکواش پلیئر ناصر اقبال نے آسٹریلیا میں ایک اور ٹورنامنٹ جیت لیا۔پی ایس اے چیلنجر تسمینئین اوپن اسکواش کا ٹائٹل ناصر اقبال نے اپنے نام کر لیا، یہ گزشتہ چند روز کے دوران ناصر کا آسٹریلیا میں تیسرا ٹائٹل ہے۔فائنل میں ناصر اقبال نے سوئٹزرلینڈ کے ڈیوڈ بارنیٹ کو تین۔ایک سے ہرایا،ناصر اقبال کی کامیابی کا اسکور 8ـ11، 10ـ12، 11ـ6 اور 5ـ 11 رہا۔ناصر نے گزشتہ دنوں آسٹریلیا میں بینڈیگو اور شپرٹن اوپن بھی جیتا تھا۔