نواز شریف نے شہباز کا بازو زرداری کے ہاتھ میں تھمادیا

اسلام آباد(بیوروچیف)سابق وزیر اعظم نواز شریف اور آصف کے درمیان خوشگوار جملوں کا تبادلہ ہوا ،وزیر اعظم شہباز شریف کی ایوان صدرمیں حلف برداری کی تقریب کے دوران قائد ن لیگ نوازشریف اور سابق صدر آصف زرداری میں خوشگوار جملوں کا تبادلہ ہوا ،دونوں کی نشستیں ساتھ ساتھ تھیں ،شہباز شریف حلف اٹھاتے ہی سیدھے نواز شریف کے پاس آئے ،نواز شریف نے گلے لگایا اور مبارک باد دی ،شہباز شریف نے آصف زرداری اور بلاول بھٹو زرداری کا بھی شکریہ ادا کیا ،اس موقع پر نوازشریف نے شہباز شریف کا بازو پکڑ آصف زرداری سے کہا کہ اب آپ نے ان کا خیال رکھنا ہے جس پر سابق صدر نے مسکراتے ہوئے کہا کہ وہ تو یاروں کے یار ہیں ،زرداری کے اس چٹکلے پرتینوں رہنما مسکر ادیئے اور قہقے لگاتے رہے،،نوازشریف نے ایوان صدر کے استقبالیہ میں شرکت نہیں کی اور چلے گئے۔