نواسہ رسول حضرت امام حسن کا یوم ولادت آج

فیصل آباد(سٹاف رپورٹر)نواسہ رسول حضرت امام حسن کا یوم ولادت15رمضان المبارک بمطابق16مارچ اتوار کو عقیدت و احترام کے ساتھ منایا جائے گا اس سلسلے میںفیصل آباد سمیت ملک بھر میں مساجد اور امام بارگاہوں میں جشن ولادت کے سلسلے میں خصوصی تقریبات کا اہتمام کیاجائے گا جبکہ علماء کرام،خطیب حضرات سیرت حضرت امام حسن پر تفصیل سے روشنی ڈالیں گے۔حضرت امام حسن حضرت علی کرم اللہ وجہہ اور خاتون جنت حضرت فاطمة الزھراکے بڑے فرزند تھے آنحضور کی ایک مشہور ترین حدیث کے مطابق حضرت امام حسن جنت میں نوجوانوں کے سردار ہیںآ پ 15رمضان المبارک کو مدینہ منورہ میں پیدا ہوئے رسول خدا ۖ نے آپ کا نام حسن رکھا۔حضرت امام حسن 28صفر المظفر 50ھ کو اس دنیا سے رخصت ہو گئے آپ کو جنت البقیع میں دفن کیا گیا تھا۔#/s#