نوبل انعام ،غیر معمولی خدمات کو سراہنے کا بہترین ذریعہ

نیو یارک ( مانیٹرنگ ڈیسک )نوبل انعامات 1901میں بانی الفریڈ نوبل کی وصیت کیمطابق شروع کیے گئے، تاکہ سائنس، ادب، طب، معیشت اور امن کے شعبوں میں غیر معمولی خدمات کو سراہا جا سکے۔نوبل انعامات رائل سوئیڈش اکیڈمی آف سائنسز (فزکس، کیمسٹری، اکنامکس) ،نوبل اسمبلی، کارولنسکا انسٹیٹیوٹ)میڈیسن)سوئیڈش اکیڈمی (ادب) ،ناروے کی نوبل کمیٹی (امن) دیتے ہیں ۔ہر انعام کیساتھ ایک گولڈ میڈل، ڈپلومہ اور قریبا 1.2ملین امریکی ڈالر(33 کروڑ 60لاکھ پاکستانی روپے) دیے جاتے ہیں۔ تقریب 10 دسمبر کو اسٹاک ہوم اور اوسلو میں منعقد ہوتی ہے۔نوبل کمیٹیاں صرف منتخب ماہرین، سابق انعام یافتگان اور تعلیمی شخصیات کو نامزدگی کے لیے مدعو کرتی ہیں، جو 31جنوری تک اپنی سفارشات جمع کراتے ہیں۔ کوئی شخص خود کو نامزد نہیں کر سکتا۔