نیشنل انڈر 17 تائی کوانڈو چیمپئن شپ پاکستان آرمی کے نام

لاہور(سپورٹس نیوز)نیشنل انڈر 17 تائی کوانڈو چیمپئن شپ پاکستان آرمی کے نام رہی،پاکستان آرمی نے 2 روزہ نیشنل انڈر 17 تائی کوانڈو چیمپئن شپ جیت لی۔فاتح ٹیم نے سونے کے 7، چاندی کے 4 اور کانسی کے 2 تمغے حاصل کیے، سندھ کی ٹیم کی دوسری پوزیشن رہی۔لاہور کے نشتر اسپورٹس کمپلیکس کے جمنازیم ہال میں کھیلی جانے والی تائیکوانڈو چیمپئن شپ میں پاکستان آرمی نے 7 گولڈ، 4 سلور اور 2 برونز میڈلز جیت کر پہلی پوزیشن حاصل کی۔سندھ کی ٹیم 2 گولڈ، 7 سلور اور 2 برونز میڈلز کے ساتھ دوسرے نمبر پر رہی جبکہ پنجاب کی ٹیم نے 2 گولڈ، 5 سلور اور 1 برونز میڈل جیتا، اْس کی تیسری پوزیشن رہی۔