ودیا بالن کیساتھ کام کر کے بہت منفرد تجربہ رہا،سیف علی

ممبئی (شوبز نیوز)بالی ووڈ اداکار سیف علی خان نے کہا ہے کہ ودیا بالن ایک غیر معمولی شخصیت کی حامل ہیں۔بھارتی میڈیا کے مطابق 2005 میں ریلیز ہونے والی فلم پرینیتا کی دوبارہ مخصوص سنیما گھروں میں ریلیز کے حوالے سے سیف علی خان نے کہا کہ میں اس فلم کے دوبارہ ریلیز کے حوالے سے بہت پرجوش ہوں اور یہ دیکھنا چاہتا ہوں کہ اس فلم پر اب شائقین کیسا ردعمل دیتے ہیں۔سیف علی خان نے کہا کہ فلم” پرینیتا” میرے دل میں ایک خاص مقام رکھتی ہے۔انہوں نے فلم میں اپنی ساتھی اداکارہ ودیا بالن کے حوالے سے کہا کہ ان کے ساتھ فلم میں کام کر کے بہت منفرد تجربہ رہا۔سیف علی خان نے کہا کہ ودیا بالن نے اپنے کردار میں بہت سی دلکشی، تازگی اور شاعری بھر دی تھی۔