وزیراعظم کی باکو میں عالمی راہنماؤں سے ملاقاتیں

اسلام آباد (بیوروچیف) وزیراعظم شہباز شریف نے آذربائیجان کے دارالحکومت باکو میں کانفرنس آف پارٹیز (کاپ۔29)کے کلائمیٹ ایکشن سربراہی اجلاس کی افتتاحی تقریب کے موقع پر متحدہ عرب امارات کے صدر محمد بن زید النہیان ترکیہ کے صدر رجب طیب اردوانترکیہ کی خاتون اول امینہ اردوان برطانیہ کے وزیرِ اعظم سر کیئر اسٹارمرازبکستان کے صدر شوکت مرزیوف تاجکستان کے صدر امام علی رحمن نیپال کے صدر رام چندر پاوڈیل بنگلہ دیش کی عبوری حکومت کے چیف ایڈوائزر ڈاکٹر محمد یونس قازقستان کے صدر قاسم جومارت توکایف سمیت عالمی رہنمائوں سے غیر رسمی ملاقاتیں کی ہیں۔ تفصیل کے مطابق وزیرِاعظم کی اماراتی صدر محمد بن زید النہیان سے ملاقات ہوئی جس میں موسمیاتی تبدیلی کے حوالے سے تعاون سمیت باہمی دلچسپی کے امور پر تبادلہ خیال کیا گیا۔