ویمنز T20ورلڈ کپ کے میچز دبئی اور شارجہ میں ہونگے

دبئی (سپورٹس نیوز) آئی سی سی ویمنز ٹی ٹوئنٹی ورلڈ کپ بنگلادیش سے متحدہ عرب امارات منتقل کر دیا گیا۔ویمنز ٹی ٹوئنٹی ورلڈکپ بنگلا دیش میں شیڈول تھا تاہم بنگلا دیش کے موجودہ سیاسی حالات کی وجہ سیٹورنامنٹ کو متحدہ عرب امارات منتقل کیا گیا۔آئی سی سی نے اعلان کیا کہ ویمنز ٹی ٹوئنٹی ورلڈکپ کو منتقل کردیا گیا ہے لیکن ایونٹ کا میزبان بنگلا دیش ہی رہے گا۔آئی سی سی کا کہنا ہے کہ کچھ ممالک کی ٹریول ایڈوائزری کی وجہ سے بنگلا دیش میں ایونٹ ممکن نہیں تھا ، بنگلا دیش ایونٹ کا انعقاد یادگار انداز میں کراتا ، اس منتقلی کے فیصلے پر افسوس ہے ۔آئی سی سی کے مطابق ویمنز ٹی ٹوئنٹی ورلڈ کپ کے میچز دبئی اور شارجہ میں ہوں گے آئی سی سی ویمنز ٹی ٹوینٹی ورلڈ کپ3سے 20اکتوبر تک کھیلا جائے گا۔