ٹیچرز کا سکولوں میں فارغ بیٹھ کر تنخواہیں وصول کرنیکا انکشاف

لاہور (بیوروچیف) ہزاروں آئی ٹی اور فزیکل ٹیچرز کا ایلمنٹری سکولوں میں فارغ بیٹھ کر تنخواہیں وصول کرنے کا انکشاف ہوا ہے۔ تفصیلات کے مطابق سکول ایجوکیشن نے آفٹرنون ، ایلیمنٹری اور مسجد مکتب سکولوں سے آئی ٹی و فزیکل ٹیچرز کا ڈیٹا طلب کرلیا۔ مراسلہ کے مطابق گریڈ 14 میں کام کرنے والے مذکورہ اساتذہ کا ڈیٹا فی الفور بھیجوایا جائے۔ڈی پی آئی ایلیمنٹری پنجاب نے لاہور سمیت تمام ایجوکیشن اتھارٹیز کو مراسلہ بھجوا دیا،تمام ایجوکیشن اتھارٹیز کو ایک ہفتے میں ڈیٹا بھجوانے کی ہدایت جاری کر دی۔ ذرائع کے مطابق ڈیٹا اکٹھا کرنے کے بعد مذکورہ اساتذہ کو ایلمنٹری سے ہائی سکول میں ٹرانسفر کردیا جائے گا، تبادلوں کا فیصلہ ایلمنٹری سکولوں میں کمپیوٹر لیب اور پلے گراونڈ نہ ہونے کے باعث کیا گیا ہے۔