پاکستان سپورٹس بورڈ نے ٹرم رولز 2025ء نافذ کر دیئے

اسلام آباد(سپورٹس نیوز) پاکستان سپورٹس بورڈ نے سپورٹس فیڈریشنز کے لیے نئے قواعد و ضوابط نافذ کردیئے۔نیشنل سپورٹس پالیسی 2005 کے تسلسل میں بنائے گئے یہ ٹرم رولز 2025 چھ شقوں اور چوبیس ذیلی شقوں پر مشتمل ہیں جو فوری طور پر نافذ العمل ہیں، فیڈریشنز کو اپنی ساخت ان رولز کے مطابق ہم آہنگ کرنے کیلئے 90 روز کی مہلت دی گئی ہے۔نئے رولز کے مطابق فیڈریشنز میں صدر کا عہدہ سب سے اعلی تصور ہوگا، چیئرمین، سی ای او یا کوئی متبادل عہدہ قابل قبول نہیں ہو گا، کسی بھی فرد کیلئے زیادہ سے زیادہ عمر کی حد 70 سال مقرر کی گئی ہے جس کے بعد عہدہ خود بخود ختم تصور ہو گا، کوئی فرد ایک وقت میں ایک سے زائد فیڈریشنز میں عہدہ نہیں رکھ سکے گا۔