پاکستان پیپلز پارٹی کے کارکن مقاصد کیلئے متحد رہیں

فیصل آباد(سٹاف رپورٹر)پیپلز پارٹی کے رہنما اور ٹکٹ ہولڈر پی پی 114 چوہدری شکور گجر نے کہا ہے کہ پیپلز پارٹی پنجاب میں بحال ہو چکی ہے ، ہمارا مشن پارٹی کو مضبوط اور فعال بنانا کرنا ہے انشا اللہ فیصل آباد میں 88 والا رزلٹ لائیں گے ، بلاول بھٹو پیدائشی لیڈر ہیں انہیں وزیر اعظم بننے سے کوئی نہیں روک سکتا۔ پارٹی کا مشن کارکنوں کو متحرک کرنا اور پارٹی کو ہر سطح پر مضبوط بنانا ہے تاکہ وہ عوام کی توقعات پر پورا اتر سکے ۔ انشا اللہ فیصل آباد میں ہم وہی رزلٹ حاصل کریں گے جو 1988 میں آیا تھا اور پارٹی کی مقبولیت کو نئے عروج پر لے جائیں گے۔ رہنما پیپلز پارٹی نے بلاول بھٹو زرداری کی قیادت کو غیر معمولی قرار دیتے ہوئے کہا کہ بلاول پیدائشی لیڈر ہیں اور انہیں وزیر اعظم بننے سے کوئی نہیں روک سکتا۔ انہوں نے مزید کہا کہ پارٹی کی حالیہ سرگرمیاں اور تنظیمی اقدامات یہ ظاہر کرتے ہیں کہ پیپلز پارٹی نہ صرف قومی سطح پر بلکہ پنجاب میں بھی ایک بار پھر عوامی مقبولیت حاصل کر رہی ہے۔