پاکستان کا آپریشن بنیان المرصوص کا آغاز (اداریہ)

نائب وزیراعظم اور وزیر خارجہ اسحاق ڈار نے کہا ہے کہ پاکستان نے بھارتی جارحیت کا منہ توڑ جواب دینے کیلئے آپریشن بنیان المرصوص (سیسہ پلائی دیوار) شروع کر دیا ہے انہوں نے کہا کہ ہم اب بھی اپنا دفاع کر رہے ہیں آپریشن بنیان المرصوص کا آغاز کر دیا پاکستان کے آرمی چیف پہلے وارننگ دے چکے ہیں کہ دشمن فوجی کارروائی کی حماقت نہ کرے اب جبکہ آرمی چیف جنرل عاصم منیر کے الفاظ کو عملی جامہ پہنانے کا آغاز ہو چکا ہے پاکستان نے پٹھان کوٹ بیس کو کامیابی سے نشانہ بنایا ہے پاکستان نے ہراہموس میزائلوں کا ایک سٹوریج بھی تباہ کیا یہ سٹوریج بیاس کے علاقہ میں ہے اس سے پہلے مصدقہ اطلاعات آئیں کہ پاکستان نے اودھم پور ائیربیس پر 3میزائل فائر کئے تھے تینوں میزائل ہدف پر پہنچ کر اپنا کام مکمل کر چکے ہیں پاکستان کے جانبازوں نے فتح میزائل کچھ دیر پہلے لانچ کیا تھا اب بتایا جار ہا ہے کہ پاکستان کا فتح میزائل ہدف کو فتح کرچکا ہے فتح پاکستان کا سپرئیر ٹیکنالوجی کا شاہکار ہائپر سونک میزائل ہے جسے راستے میں روکنا کسی کے لیے ممکن نہیں پاکستان کی جانب سے جوابی وار پر بھارتی فوجیوں کی صفوں پر ہلچل مچ گئی ہے، پاکستان کی مسلح افواج دفاع وطن کے لیے تمام سرحدوں پر ہمہ وقت چوکس ہیں دشمن کے ہر وار سے دوگنا جواب دیا جا رہا ہے گزشتہ روز بھارت نے بلااشتعال پاکستان کے بہت سے علاقوں پر ڈرون حملے کئے پاکستان نے دن بھر کے دوران 80کے لگ بھگ ڈرون مار گرائے پاکستان کی بھارت کے خلاف جوابی کارروائی کی ابھی ابتداء ہے کہ بھارت کی دفاعی اور فینس کی صلاحیتوں کا بھرکس نکل گیا پاکستانی سائبر حملے میں بیشتر بھارتی ویب سائٹس کو ہیک کر لیا گیا ہے جس میں بی جے پی کی آفیشل ویب سائٹ بھی شامل ہے ہیک کی گئی ویب سائٹس میں کرائم ریسرچ انوسٹی گیشن ایجنسی ماہانگر ٹیلی کمیونیکیشن کمپنی لمیٹڈ بھارت ارتھ موورز لمیٹڈ آئل انڈیا نیول ٹیکنیکل سپروائزری سٹاف ایسوسی ایشن شامل ہیں ہیک کی گئی سائٹس کا مکمل مواد اڑا دیا گیا ہے ہیک کی گئی مزید ویب سائٹس میں ہندوستان ایروناٹکس لمیٹڈ بارڈر سکیورٹی فورسز یونیک آڈنٹفکیشن اتھارٹی آف انڈیا کا ڈیٹا لیک کر دیا ہے اس کے علاوہ 2500 سے زائد سرویلنس کیمرے بھی ہیک کر لئے گئے ہیں بھارت کا ملٹری سیٹلائٹ سسٹم جام کر دیا پاکستان نے بھارت کا دفاع نظام ایس 400 تباہ کر دیا پاک فضائیہ کے جے ایف تھنڈر طیارے نے ایس400 کو نشانہ بنایا۔ پاکستان نے آپریشن بنیان المرصوص کو آگے بڑھاتے ہوئے سورت گڑھ ائر فیلڈ کو بھی تباہ کر دیا ہے جس کے بعد بھارت میں صف ماتم بچھ گئی ہے پاکستان نے سائبراٹیک کے ذریعے بھارت کے 70فی صد بجلی کے گرڈ ناکارہ کر دیئے پاکستان نے آپریشن بنیان المرصوص کا آغاز فجر کے وقت کیا اوربھارت پر فتح ون میزائل فائر کیا جس نے اپنے مقاصد حاصل کر لئے ہیں نائب وزیراعظم اسحاق ڈار نے کہا ہے کہ یہ نہیں ہو سکتا کہ بھارت اپنا کام کرتا جائے اور ہم انتظار کرتے رہیں انہوں نے کہا کہ مسلح افواج کی مکمل تیاری تھی ہم کوئی رسک نہیں لے سکتے تھے ہم نے کارروائی دفاعی اقدام کے طور پر کی فتح ہماری ہو گی، بھارت کی طرف سے پہلگام واقعہ کا پاکستان پر الزام عائد کر کے پاکستان پر جارحیت مسلط کرنے کی کوششوں کے جواب میں پاکستان نے بنیان المرصوص آپریشن کا آغاز کر دیا ہے اور صرف چند گھنٹوں کے اندر بھارت کے علاقوں میں ایک ایسی ہلچل مچا دی ہے جس پر بھارت تلملا اُٹھا ہے، بھارتی وزیراعظم بھارت کے دفاع کے بارے میں بڑے غرور اور تکبر کا مظاہرہ کرتے رہے ہیں اور انہوں نے پاکستان پر شب خون مارنے کے لیے جو آپریشن کیا اس کا نام سندور آپریشن رکھا یعنی ماتھے کا جھومر’ اس کے بعد پاکستان نے بھارت کو سبق سکھانے کیلئے آپریشن بنیان المرصوص (سیسہ پلائی دیوار) کا آغاز کیا بھارت کے دفاعی نظام کو نشانہ بنایا اور بھارت کا غرور خاک میں ملانے میں کوئی کسر نہیں چھوڑی ابھی تو صرف ابتداء ہے اور بھارتیوں کے چھکے چھوٹ گئے ہیں آپریشن بنیان المرصوص بھارت کی بربادی ثابت ہو گا پوری قوم میں مسلح افواج کی جانب سے بھارت کے خلاف آپریشن بنیان المرصوص شروع کرنے کا خیرمقدم کیا جا رہا ہے اور قوم کو یقین ہے کہ ہماری مسلح افواج دشمن کو ایسا سبق سکھائیں گے جس کو وہ کبھی بھول نہیں سکے گا۔