پاکستان کے ڈیفالٹ کی خواہش کرنیوالے ناکام

اسلام آباد (بیوروچیف) وزیر اعظم محمد شہباز شریف نے مہنگائی کی شرح 44ماہ کی کم ترین سطح پر آنے پر اظہار تشکر کرتے ہوئے کہا ہے کہ آئی ایم ایف پروگرام کے اجرا سے معیشت میں مزید استحکام آئے گا پاکستان کی ترقی کا سفر 2018میں جہاں رکا تھا، وہیں سے دوبارہ شروع ہو چکا پاکستان کے ڈیفالٹ کی خواہش کرنے والوں کا منصوبہ ناکام ہوا مہنگائی کی شرح 6.9فیصد ہونے سے عام آدمی کو ریلیف ملے گا شرح سود کم ہونے سے کاروباری سرگرمیوں میں اضافہ ہوگا۔وزیر اعظم نے ستمبرمیں مہنگائی کی سالانہ شرح 6.9فیصد ہونے پر حکومت کی معاشی ٹیم کی پذیرائی کی ہے ۔ اگست 2024میں 34ماہ میں پہلی مرتبہ پاکستان میں مہنگائی کی شرح 9.6فیصد آئی، ستمبر 2024میں گزشتہ 44ماہ میں مہنگائی کی کم ترین شرح 6.9فیصد ریکارڈ کی گئی۔ جاری بیان کے مطابق وزیراعظم کا کہناتھاکہ اللہ کے فضل و کرم سے عوام سے کئے گئے عہد کی پاسداری میں کامیابی ملنا شروع ہو گئی۔شہباز شریف نے کہا کہ پٹرولیم مصنوعات کی قیمتوں میں بھی متواتر کمی سے عوام کو ریلیف مل رہا ہے۔