پنجاب کے ہر ضلع میں کم آمدن والے افراد کیلئے 3ہزار گھر بنانے کا اعلان

لاہور (بیوروچیف)وزیر اعلی پنجاب مریم نواز نے ایک لاکھ گھروں کی تعمیر کا جامع پلان طلب کر لیا۔مریم نواز کی زیر صدارت اپنی چھت، اپنا گھر پراجیکٹ پر خصوصی اجلاس ہوا۔اجلاس میں کہا گیا کہ پنجاب کے ہر ضلع میں کم آمدن والے لوگوں کے لیے3ہزار سے زائد گھر بنائے جائیں گے۔وزیرِ اعلی مریم نواز شریف نے6 ہفتوں میں ماڈل گھر تیار کرنے، گھروں کی ڈان پے منٹ اور ماہانہ قسط کم سے کم رکھنے کی ہدایت کر دی۔انہوں نے کہا کہ پنجاب میں کم آمدن والے بے گھر افراد کو بنے بنائے گھر دیے جائیں گے، غریب کے لیے چھت مہیا کرنا ہمارا منشور ہے، وعدہ ضرور پورا کریں گے۔مریم نواز نے ہدایت کرتے ہوئے کہا ہے کہ گھروں میں تعمیراتی معیار کو ملحوظ خاطر رکھا جائے۔