ژوب میں دہشتگردوں کا حملہ5اہلکار شہید،3دہشتگردمارے گئے

کوئٹہ (بیوروچیف) بلوچستان کے علاقے ژوب کینٹ میں دہشتگردوں کے حملے میں 5 سیکیورٹی اہلکار شہید اور 4 زخمی ہوگئے، سیکیورٹی فورسز کی جوابی کارروائی میں 3 دہشت گرد بھی مارے گئے۔ سکیورٹی ذرائع کے مطابق فورسز نے اچانک حملے کا بھرپور جواب دیا، فائرنگ کے تبادلے میں 3 دہشت گرد مارے گئے، فورسز نے علاقے میں دہشت گردوں کیخلاف آپریشن شروع کردیا۔ دہشت گردوں کے حملے میں خاتون سمیت 5 شہری بھی زخمی ہوئے، زخمی اہلکاروں اور شہریوں کو ابتدائی طبی امداد کیلئے سی ایم ایچ ڑوب پہنچایا گیا،جہاں سے انہیں علاج کیلئے کوئٹہ منتقل کردیا گیا۔