کاغذات نامزدگی جمع کرانے کی تاریخ میں 2روز کی توسیع

اسلام آباد (بیوروچیف)الیکشن کمیشن نے مختلف عوامی درخواستوں کو مدنظر رکھتے ہوئے اورتمام خواہشمند امیدواروں کی سہولت کے لئے کاغذات نامزدگی جمع کرانے کی تاریخ میں 2دن کا اضافہ کر دیا ہے۔ اس تاریخ میں اضافہ کا اطلاق مخصوص نشستوں پر بھی ہوگا۔ اب کاغذات نامزدگی جمع کرانے کی آخری تاریخ 16 مارچ (دفتری اوقات کار) ہے۔ لہذا تمام سیاسی پارٹیاں مخصو ص نشستوں پر Priority lists مورخہ 16مارچ 2023 تک صوبائی الیکشن کمشنر پنجاب (ریٹرننگ آفیسر) کے پاس جمع کروانے کی پابند ہیں۔ اسکے علاوہ الیکشن کا تمام شیڈول الیکشن کمیشن کے نوٹیفکیشن مورخہ 8 مارچ 2023 کے مطابق برقرار ہے اور پولنگ 30ا پریل 2023 کو ہوگی۔