کامیڈین نرالا کو دنیا سے رخصت ہوئے35برس بیت گئے

کراچی (شوبز نیوز) پاکستان فلم انڈسٹری کے معروف اداکار کامیڈین نرالا کو دنیا سے رخصت ہوئے 35برس بیت گئے۔1937 میں پیدا ہونے والے معروف کامیڈین نرالا کا اصل نام سید مظفر حسین زیدی تھا، انہوں نے نرالا کے نام سے فلم انڈسٹری میں قدم رکھا، نرالا نے سو سے زائد فلموں میں اداکاری کے جوہر دکھائے اور مزاحیہ کرداروں سے خوب شہرت کمائی۔نرالا کی کامیاب ترین فلموں میں سپیرن، مسٹر ایکس، شرارت، چھوٹی بہن، ہیرا اور پتھر، ارمان، احسان، دوراہا، زمین کا چاند، انسان اور گدھا، جہاں تم وہاں ہم اور نصیب اپنا اپنا شامل ہیں۔