کسٹمز نے طور خم بارڈر پر اسلحہ گولہ بارود سمگل کرنے کی کوشش ناکام بنا دی

اسلام آباد (بیوروچیف) پاکستان کسٹمز نے طورخم پر اسلحہ اور گولہ بارود پاکستان میں اسمگل کرنے کی ایک بڑی کوشش ناکام بناتے ہوئے ایس ایم جی اور رائفل کے 21 ہزار سے زائد کارتوس سمیت دیگر اسلحہ برآمد کر لیا۔یہ مشکوک کھیپ کسٹمز اسٹیشن طورخم پر کارگو کی معمول کی جانچ پڑتال کے دوران سامنے آئی۔ بظاہر خالی گاڑی رجسٹریشن نمبر TAHـ027 کو تفصیلی اسکیننگ کے لیے این ایل سی امپورٹ ٹرمینل منتقل کیا گیا۔ اسکین شدہ تصاویر میں بے ضابطگیاں سامنے آئیں۔ گاڑی کی مکمل تلاشی لینے کے نتیجے میں غیر قانونی اسلحہ برآمد ہوا۔اس واقعے کو عوام اور ملک کی سلامتی کو نقصان پہنچانے کی ایک دانستہ اور منظم کوشش قرار دیا جا رہا ہے۔ مقدمہ درج کر لیا گیا ہے اور قانون کے مطابق مزید قانونی کارروائی جاری ہے۔