کشمیری عوام اپنے حق خود ارادیت کے منتظر ہیں

فیصل آباد(سٹاف رپورٹر) سابق رکن قومی اسمبلی اور مسلم لیگ ن ٹریڈرزونگ کے مرکزی صدر میاں عبدالمنان نے کہاہے کہ 5اگست کی بھارتی گھنائونی سازش اورکشمیر ی عوام سے حق استصواب رائے چھیننے کے غاصبانہ عمل کی دنیا بھر میں مزمت کی جارہی ہے جبکہ پی ٹی آئی نے کشمیریوں سے اظہار یکجہتی کی بجائے اپنے قومی ملزم کی رہائی کے لئے سڑکوں پرنکلنے کی کوشش کی جس میں وہ ایک فیصد بھی کامیاب نہیں ہوسکی-بانی کے ارکان اورکارکنان کوعلم ہوچکاہے کہ 9مئی کے واقعات میں ملوث ملزموں کوگرفتاری کے بعدسزا بھی مل چکی ہے اس لئے ڈرخوف کی وجہ سے کوئی باہر نہیں نکلا-ان کا کہنا تھا کہ 5اگست کوبھارتی اورپی ٹی آئی کے کردارکویوم سیاہ کے طورپریادرکھاجائے گا-بھارت نے اس دن اس آ رٹیکل کوختم کردیاتھاجوکشمیریوں کوان شناخت اور حیثیت ثابت کرتاتھا-انہوں نے کہا کہ بھارت نے نہ صرف کشمیری عوام کے بنیادی حقوق پر حملہ بلکہ پوری دنیاکے ضمیر کوجھنجوڑنے والی ایک نئی تاریخ رقم کیا-انہوں نے کہاکہ یوم استحصال منانے کا مقصد دنیاکوبتایاجاسکے کہ کشمیر آ ج بھی ظلم کی چکی میں پس رہاہے اورکشمیری عوام اپنے حق خودارادیت کے منتظر ہیں-