گلوکارہ عارفہ صدیقی کاگھربھی سیلاب سے شدیدمتاثر

لاہور (شوبز نیوز) معروف گلوکارہ و اداکارہ عارفہ صدیقی کاگھربھی سیلاب سے شدید متاثر ہو گیا۔ ناموراداکارہ وگلوکارہ عارفہ صدیقی لاہور کے علاقے چوہنگ کی ایک نجی ہاوسنگ سوسائٹی میں رہائش پذیرہیں جوسیلاب سے شدیدمتاثر ہوئی ہے،عارفہ صدیقی نے سیلابی پانی اترنے کے بعد اپنے متاثرہ گھر کی فوٹیج سوشل میڈیا پر شیئر کی ہے۔شیئرکی گئی ویڈیو میں دکھایا گیا ہے کہ سیلابی پانی گھر میں داخل ہونے سے گھر کا سامان بکھرا ہوا ہے،فوٹیج میں عارفہ صدیقی اپنے شوہر معروف گلوکار وموسیقارتعبیرعلی کے ہمراہ سیلابی پانی اتر جانے کے بعد اپنے گھر کی صفائی کرتی دکھائی دے رہی ہیں ۔