گوجرہ میں مسلح ڈاکو مختلف وارداتوں میں راہگیروں سے مال و زر چھین کر فرار

گوجرہ(نامہ نگار)ڈاکوتین مختلف وارداتوں میں راہگیروں سے مال وزر چھین کر فرارہو گئے۔معلوم ہواہے کہ ٹاکی محلہ گوجرہ کا رہائشی محمد عبداللہ چک نمبر370ج ب بائی پاس کے قریب موٹر سائیکل پر سوار جا رہاتھاکہ اسے موٹر سائیکل سوار دو نامعلوم ڈاکوئوں نے اسلحہ کے زور پر روک لیااور جان سے مار دینے کی دھمکی دے کر55ہزارروپے نقدی وغیرہ چھین لئے علاوہ ازیں چک نمبر 338 ج ب کانذیر احمداپنے موٹر سائیکل پر سوار اڈا نواں لاہور سے پینسرہ کی طرف جا رہا تھا کہ چک نمبر336ج ب ڈنڈیانوالہ پل کے قریب پیچھے سے آنیوالے2 نامعلوم موٹر سائیکل سوارڈاکوئوں نے روک لیااورگن پوائنٹ پر 7ہزارروپے نقدی اور موبائل مالیتی تقریباً 30ہزارروپے چھین لئے