گوجرہ میں ڈاکوؤں کا راج برقرار،عوام عدم تحفظ کا شکار

گوجرہ(نامہ نگار)تھانہ سٹی گوجرہ کے علاقہ میں ایک اور ڈاکہ ، موٹر سائیکل سوار ڈاکوئوں نے رکشہ سوار خاتون سے گن پوائنٹ پر لاکھوں روپے مالیت کے طلائی زیورات چھین لئے۔ علاقہ میں خوف وہراس پھیل گیا۔ڈاکوکامیاب واردات کے بعد ڈاکو فرارہو گئے۔معلوم ہواہے کہ محلہ اکر پارک( حفیظ پارک) کے رہائشی ایاز افضل کی اہلیہ شہر سے خریداری کر کے رکشہ پر سوارگھرواپس جا رہی تھی کہ پیچھے سے آنیوالے موٹر سائیکل سوار دو نامعلوم ڈاکوئوں نے محلہ میں پہنچتے انہیں روک لیا اور اسلحہ کے زور پر خاتون کے پہنے ہو ئے لاکھوں روپے مالیت کے دو عدد طلائی کڑے ”کٹر” سے کاٹ کرچھین لئے ۔