گوجرہ میں 3مقامات پر ڈاکے،مختلف وارداتوں میں قیمتی مال و زر چوری کرلیا گیا

گوجرہ(نامہ نگار) گوجرمیں تین مختلف مقامات پر ڈاکے ، موٹر سائیکل سوار ڈاکوئوں نے رکشہ سوار خاتون سمیت تین افرادسے گن پوائنٹ پر مال وزر چھین لیا۔وارداتوں سے علاقہ میں خوف وہراس پھیل گیا۔لوگ عدم تحفظ کا شکار ہوگئے۔ڈاکوکامیاب واردات کے بعد ڈاکو فرارہو گئے۔معلوم ہواہے کہ محلہ اکبر پارک( حفیظ پارک) کے رہائشی ایاز افضل کی اہلیہ شہر سے خریداری کر کے رکشہ پر سوارگھرواپس جا رہی تھی کہ پیچھے سے آنیوالے موٹر سائیکل سوار دو نامعلوم ڈاکوئوں نے محلہ میں پہنچتے ہی انہیں روک لیا اور اسلحہ کے زور پر خاتون کے پہنے ہو ئے لاکھوں روپے مالیت کے دو عدد طلائی کڑے ”کٹر” سے کاٹ کرچھین لئے اور موقع سے فرارہونے میں کامیاب ہو گئے ۔دوسری واردات میں چک نمبر368ج ب کامحمد وسیم موٹر سائیکل پر سوارگائوں کے قریب جا رہاتھاکہ اس کوموٹر سائیکل پر سواردو نامعلوم ڈاکوئوں نے روک لیااورجان سے مار دینے کی دھمکی دے کر50ہزارروپے نقدی وقیمتی موبائل چھین لیا۔محمد حسین چک نمبر355ج ب سے دودھ لینے کیلئے جا رہاتھاکہ راستہ میں دو نامعلوم ڈاکوئوں نے روک کر20ہزارروپے نقدی اور قیمتی موبائل چھین لیا۔تھانہ صدرو سٹی پولیس گوجرہ کو وارداتوں کی اطلاع دے دی گئی ہے تاحال کسی مقدمہ کے اندراج کا علم نہیں ہو سکا۔گوجرہ(نامہ نگار) چوروں نے مختلف وارداتوں میں مال وزر چوری کر لیا۔معلوم ہواہے کہ چک نمبر95ج ب کامحمدسلیم اپنی موٹر سائیکل پرسوار اڈا دواکھڑی گیااورنجی ہسپتال کے باہر موٹر سائیکل کھڑی کر کے اندر چلا گیا جس کی عدم موجود گی میں نامعلوم چور اس کی موٹر سائیکل چوری کر کے فرارہو گئے۔نامعلوم چورنے چک نمبر416ج ب کے ذوالفقار علی کا قیمتی موبائل اس کے گھر سے چوری کر لیا۔محمد عدنان سکنہ بلونت پورہ کی دکان کریانہ کے نامعلوم چوروں نے تالے توڑ کر اندر سے 1لاکھ سے زائد کی نقدی کا سامان وغیرہ چوری کر لیا۔محلہ جمیل پارک کے محمد جواداسلم کی دکان کریانہ کے تالے توڑکر نامعلوم چوروں نے ہزاروں روپے نقدی وغیرہ چوری کر لئے۔چک نمبر 308ج ب کے قیصر محمود کی بیس لائن روڈ پر واقع فیکٹری سے نامعلوم چور6لاکھ75ہزارروپے مالیت کا سامان چوری کرلیا۔چک نمبر300ج ب کے عابد علی کے ڈیرہ سے تالے توڑ کر نامعلوم چورقیمتی سامان کل مالیت7لاکھ روپے چوری کر کے فرارہوگئے۔اطلاع ملنے پر تھانہ سٹی وصدر پولیس گوجرہ نے الگ الگ مقدمات درج کر لئے ہیں۔