یونیورسٹی آف ایجوکیشن لاہور کے14اساتدہ کا اعزاز

لاہور (بیورو چیف) یونیورسٹی آف ایجو کیشن ، لاہور کے14نامور اساتذہ کو امریکہ کی اسٹینفورڈ کی رپورٹ کے مطابق دنیا کے صف اول کے 2فیصد سائنسدانوں میں شامل کر لیا گیا ہے۔ یہ نمایاں اعزاز ان تحقیقی مقالات کی بنیاد پر دیا گیا ہے جو دنیا کے معروف ترین اسکوپس (Scopus) اور ویب آف سائنس(Web of Science) میں شائع ہوئے ، دنیا بھر کے23000 سے زائد سائنسدانوں کی جاری کردہ رپورٹ کے مطابق یونیورسٹی آف ایجوکیشن لاہور کے ڈاکٹر محمد فیضان نذر، ڈاکٹر ثناء اللہ، ڈاکٹر عمیر اشرف،ڈاکٹر انیس علی شاہ، ڈاکٹر نور سعید خان ، ڈاکٹر غلام محمد مصطفی، ڈاکٹر ارشد ریاض، ڈاکٹر طارق محمود، ڈاکٹر غلام رسول مدنی، ڈاکٹر محمد اقبال حسین، ڈاکٹر محمود احمد، ڈاکٹر غلام یاسین، ڈاکٹر محمد ایس۔ اسلم اور ڈاکٹر نوید احمد دنیا کے دو فیصد سائنسدانوں میں شامل ہوئے، وائس چانسلر یونیورسٹی آف ایجوکیشن پروفیسر ڈاکٹر عاکف انور چوہدری نے اس شاندار کامیابی پر اساتذہ کو مبارکباد دیتے ہوئے کہا یہ ہمارے ادارے کیلئے سنگ میل کی حیثیت رکھتا ہے ہمارے اساتذہ کا دنیا کے بہترین سائنسدانوں میں شامل ہونا اس بات کا مظہر ہے کہ یونیورسٹی تحقیقی اور علمی معیار کے فروغ کیلئے پرعزم ہے، ہم اپنے آفس آف ریسرچ، انوویشن اینڈ کمرشلائزیشن (ORIC)کو مزید مضبوط کر رہے ہیں ۔