8ماہ میں کرنٹ اکاؤنٹ خسارے میں1ارب ڈالر کی کمی

اسلام آباد (بیوروچیف) 8ماہ کے دوران کرنٹ اکائونٹ خسارے میں 1 ارب ڈالر سے زائد کمی ہوئی جس کے باعث ادائیگیوں کا توازن 70 کروڑ ڈالر سرپلس رہا۔ اسٹیٹ بینک کے مطابق گذشتہ سال اسی مدت میں کرنٹ اکاونٹ خسارہ 1 ارب 73 کروڑ ڈالر تھا، تجزیہ کاروں کے مطابق ترسیلات اور برآمدات میں اضافے کے باعث کرنٹ اکائونٹ خسارے میں کمی ہوئی۔اسٹیٹ بینک کے مطابق رواں مالی سال جولائی سے فروری کے دوران پاکستان کا توازن ادائیگی 70 کروڑ ڈالر فاضل رہا۔گذشتہ سال اسی مدت میں کرنٹ اکاونٹ میں 1.73 ارب ڈالر کا خسارہ تھا، جس کے نتیجے میں 8 ماہ کے دوران کرنٹ اکائونٹ خسارے میں 1 ارب ڈالر سے زائد کمی ریکارڈ کی گئی۔تاہم فروری 2025 میں ادائیگیوں کا توازن 1.2 کروڑ ڈالر خسارے میں رہا، جو جنوری کے خسارے کی نسبت 38 کروڑ 70 لاکھ ڈالر کم ہے۔تجزیہ کاروں کا کہنا ہے کہ ترسیلات اور برآمدات میں اضافے کے باعث کرنٹ اکائونٹ خسارے میں کمی آئی ہے۔