8پارٹیوں کے سربراہ ، 10سابق وزرائے اعلیٰ الیکشن ہار گئے

اسلام آباد (بیوروچیف) عام انتخابات میں تقریبا تمام سیاسی جماعتوں کے رہنما کسی نہ کسی سیٹ سے ہار گئے ہیں جبکہ بہت سے سابق وزرائے اعلی کو بھی شکست کا سامنا کرنا پڑا ہے۔مسلم لیگ ن کے قائد میاں نواز شریف مانسہرہ کے حلقے این اے15سے جبکہ پی پی پی کے چیئرمین بلاول بھٹو لاہور کے حلقے این اے 127 سے ہار گئیگزشتہ روز سیاست سے علیحدگی کا اعلان کرنے والے استحکام پاکستان پارٹی کے سربراہ جہانگیر ترین لودھراں سے ہار گئے ہیں۔اپنے بیان میں انکا کہنا تھا کہ استحکام پاکستان پارٹی کے چیئرمین کی حیثیت سے مستعفی ہونے کا فیصلہ کیا ہے، انہوں نے استحکام پاکستان پارٹی کے اراکین کے لیے نیک خواہشات کا اظہار کیا۔جے یو آئی کے سربراہ مولانا فضل الرحمن ڈی آئی خان اور عوامی نیشنل پارٹی (اے این پی)خیبرپختونخوا کے صدر ایمل ولی خان چار سدہ سے سیٹ نہیں جیت سکے۔پی ٹی آئی پارلمینٹیرین کے سربراہ پرویز خٹک نوشہرہ جبکہ اپر دیر سے جماعت اسلامی کے سابق امیر سراج الحق بھی ہار گئے تھے۔