پاکستان سے چین کیلئے برآمدات میں 5 فیصد اضافہ

اسلام آباد(بیوروچیف)پاکستان کی چین کو اشیا اور خدمات کی برآمدات میں رواں مالی سال (24-2023) کے پہلے دو ماہ کے دوران گزشتہ سال کی اسی مدت کے مقابلے میں 5.16 فیصد اضافہ ریکارڈ کیا گیا۔سٹیٹ بینک آف پاکستان کی جانب سے جاری اعداد و شمار کے مطابق جولائی سے اگست (2023-24) کے دوران چین کو مجموعی طور پر 350.297 ملین ڈالر کی برآمدات ریکارڈ کی گئیں جبکہ جولائی سے اگست (2022-23) کے دوران 333.077 ملین ڈالر کی برآمدات کی گئی اس طرح رواں مالی سال کے پہلے دو ماہ کے دوران5.16 فیصد کا اضافہ ریکارڈ کیا گیا ۔اعداد وشمار کے مطابق سالانہ بنیاد پرچین کو کی گئی برآمدات اگست 2022 میں 159.021 ملین ڈالر تھی ، جبکہ اگست 2023 میں 198.932 ملین ڈالر کی برآمدات کی گئی۔