حریم کو شادی کیلئے دل کے صاف اور سچے انسان کی تلاش

پاکستان شوبزانڈسٹری کی مقبول اداکارہ حریم فاروق نے مداحوں کو بتا دیا ہے کہ وہ کب اور کس سے شادی کرنا چاہتی ہیں۔ ایک نجی ٹی وی کے شو میں شرکت کے موقع پر حریم فاروق کا کہنا تھا کہ مجھے لگتا ہے کہ میں بہت جلد شادی کرلوں گی، کب کروں گی یہ اللہ بہتر جانتا ہے لیکن میرا ارادہ ہے کہ میں اب شادی کرلوں۔انہوں نے اس حوالے سے مزید کہا کہ میں کسی ایسے شخص سے شادی کروں گی جو دل کا بہت صاف ہو، بہت زیادہ مہربان اور سچا ہو۔اداکارہ کا کہنا تھا کہ کسی بھی انسان کا مہربان ہونا میرے لئے بہت اہم ہے ، اگر کوئی شخص بغیر کسی لالچ یا توقعات کے اپنے ارد گرد رہنے والوں کے ساتھ مہربان ہو تو وہ واقعی میں ایک اچھا انسان ہی ہوتا ہے ۔