کاغذات مسترد کرنے کا فیصلہ برقرار ، عمران خان الیکشن نہیں لڑ سکیں گے

لاہور(بیوروچیف) الیکشن ٹربیونل نے بانی پی ٹی آئی عمران خان کے این اے122سے کاغذات نامزدگی مسترد کیے جانے کے خلاف اپیل کو مسترد کردیا جب کہ یاسمین راشد کو الیکشن لڑنے کی اجازت دے دی۔لاہور ہائیکورٹ کے الیکشن ٹربیونل کے جج جسٹس طارق ندیم نے آراو کے فیصلے کے خلاف اپیلوں پر سماعت کی جس دوران این اے 122سے عمران خان کے کاغذات مسترد کیے جانے کے آر او کے فیصلے کے خلاف بھی اپیل پر سماعت ہوئی۔دوران سماعت الیکشن کمیشن کے وکیل نے مقف اپنایا کہ عمران خان نااہل ہوچکے ہیں اور ان کے تجویزہ کنندہ کا تعلق بھی این اے 122 سے نہیں جب کہ (ن)لیگ کے وکیل نے بھی عمران خان کی اپیل کی مخالفت کی۔الیکشن ٹربیونل کے جج نے آر او کے فیصلے کو برقرار رکھتے ہوئے عمران خان کے کاغذات مسترد کیے جانے کے خلاف دائر اپیل کو مسترد کردیا۔دوسری جانب اپیلٹ ٹربیونل نے سابق وزیر صحت پنجاب ڈاکٹر یاسمین راشد کو الیکشن لڑنے کی اجازت دے دی۔لاہور ہائیکورٹ کے الیکشن ٹربیونل کیجج جسٹس طارق ندیم نے یاسمین راشدکیکاغذات نامزدگی مسترد کرنے کے آر او کے فیصلے کے خلاف دائر اپیل پر سماعت کی۔الیکشن ٹربیونل نے یاسمین راشد کے کاغذات مسترد کرنے کا ریٹرننگ افسر کا فیصلہ کالعدم قرار دے دیا اور این اے 130 سے ان کے اپیل منظور کرتے ہوئے الیکشن لڑنے کی اجازت دے دی۔