چیئر مین الیکشن کمیٹی بشیراعجاز نے فیصل آباد پریس کلب کے الیکشن شیڈول کا اعلان کردیا

فیصل آباد (سٹاف رپورٹر) پریس کلب کے سالانہ انتخابات برائے سال-25 2024کے لئے الیکشن کمیٹی کے چیئر مین میاں بشیر احمد اعجاز نے الیکشن شیڈول کا اعلان کر دیا ہے تفصیلا ت کے مطابق گزشتہ روز چیئرمین الیکشن کمیٹی میاں بشیر احمد اعجاز کی زیر صدرات اجلاس منعقد ہو ا جس میں الیکشن کمیٹی کے ممبران ،محمد نعیم شاکر،شاہد نسیم چوہدری ،،مسعودد احمد بھٹہ،محمد ندیم راجپوت، حمیرہ چوہدری بھی موجود تھے جنہوں نے فیصل آبا د پر یس کلب کے سالانہ انتخابات -25 2024کے الیکشن شیڈول کی منظوری دی الیکشن کا دورانیہ 1 سال کا ہوگا جس کے مطابق امیدواران کا غذات نامزدگی 15جنوری سے 17جنوریصبح دس بجے سے شام چار بجے تک پریس کلب میں کمیٹی سے حاصل کر کے جمع کرا سکیں گے۔ الیکشن میں حصہ لینے والے عہدیداران کیلئے فیس4000 روپے ہوگی جبکہ ایگز یکٹو باڈی کے امیدواران کیلئے فیس 2500روپے ہو گی جو کہ نا قابل واپسی ہو گی۔ 18جنوری شام پانچ بجے کا غذات جمع کروانے والے امیدواران کی غیر حتمی فہرست پریس کلب میں آویزاں کر دی جائیگی۔ جس پر اعتراضات 19جنوری شام4چار بجے تک وصول کئے جائیں گے اعتراضا ت پر سماعت کے بعد الیکشن کمیٹی 19جنوری کو شام 5بجے تک امیدواروں کی فہرست جاری کرے گی اسی روز شام 5 بجے تک امیدوار کا غذات نامزدگی واپس لے سکیں گے 20جنوری شام 5بجے تک امیدواروں کی حتمی فہرست جاری کر دی جائے گی الیکشن میں حصہ لینے والے امیدواران کو اپنی سالانہ فیس ادائیگی کی رسید الیکشن کمیٹی کو فراہم کرنی ہو گی جبکہ ووٹر کو بھی اپنا ووٹ ڈالنے سے قبل کلب کی سالانہ فیس بھی جمع کروانی ضروری ہو گی الیکشن شیڈول کے مطابق پولنگ28جنوری2024بروز اتوار صبح 9بجے سے لیکرپانچ بجے تک پریس کلب میں ہو گی ۔معزز کونسل و ایسوسی ایٹ ممبران فیصل آبادپریس کلب کو مطلع کیا جاتا ہے کہ الیکشن کمیٹی کے فیصلہ کے مطابق تمام ممبران 22جنوری2024تک اپنی سالانہ فیس پریس کلب کونسل ممبران مبلغ300روپے فی کس کے حساب سے آفس سپرنٹنڈنٹ محمد عقیل احمدرابطہ نمبر ( 0303-8500411) کے پا س بوقت 10بجے سے لے کر 3بجے تک پر یس کلب میں جمع کرواکر رسید حاصل کریں ۔ فیس نہ جمع کروانے والے ممبران اپنا ووٹ کاسٹ نہیں کر سکیں گے۔