خونی ڈکیتی کے واقعات میں فیصل آباد سر فہرست ایک سال میں 34افراد قتل

لاہور(بیوروچیف)پنجاب بھر میں ڈکیتی مزاحمت پر قتل کے واقعات میں اضافہ ہوگیا۔ لاہور میں گزشتہ سال ڈکیتی مزاحمت پر 23شہری قتل،162زخمی ہوئے جبکہ پنجاب بھر میں ڈکیتی مزاحمت پر 291افراد قتل ،1728زخمی ہوئے ۔ ڈکیتی مزاحمت پر فیصل آباد میں سب سے زیاد ہ 34شہری قتل ہوئے ، ملتان میں ڈکیتی مزاحمت پر 24، بہاولپور ریجن میں 6شہری قتل ہوئے ۔ پنجاب بھر میں رواں سال پہلی بار مقدمات 11لاکھ سے تجاوز کر گئے ۔ پولیس لاہور سمیت پنجاب بھر میں مقدمات کو ٹریس کرنے میں ناکام رہی۔ پولیس نے 2لاکھ 15 ہزار سے زائد مقدمات عدم پتہ اور خارج کر دئیے ، سب سے زیادہ لاہور میں 1لاکھ سے زائد مقدمات عدم وخارج کئے گئے ۔ دوسری جانب پولیس ملازمین کیلئے 2ارب سے زائد کی ویلفیئر ،16کروڑ کے انعامات دئیے گئے ۔ تھانوں کی اپ گریڈیشن کے باوجود پولیس ڈاکوؤں کو گرفتار نہ کر سکی۔