تحریک انصاف کا پلان سی تیار

اسلام آباد (بیوروچیف)پاکستان تحریک انصاف کے سینیٹر ہمایوں مہمند نے الیکشن کے حوالے سے اپنی پارٹی کا پلان سی بتادیا۔ سینیٹر ہمایوں مہمند نے موبائل فون کے ذریعے اپنے ووٹروں تک پہنچنے کا اعلان کیا۔انہوں نے کہا کہ پولنگ کے دن ستر اسی فیصد لوگ نکلیں گے تو دھاندلی نہیں ہوسکے گی۔سینیٹر ہمایوں مہمند کا کہنا تھا کہ مخصوص نشستوں کے لیے بھی ہمیں کوئی نہ کوئی پلان کرنا پڑے گا۔انہوں نے کہا کہ مخصوص نشستیں نہ بھی ملیں تو ہم مرکز، پنجاب اور خیبر پختونخوا میں حکومت بنالیں گے۔