لیونل میسی ایک بار پھر فیفا کے بہترین پلیئر منتخب

ارجنٹائن کے سٹار فٹبالر لیونل میسی ایک بار پھر فیفا کے بہترین پلیئر منتخب ہوگئے ۔لیونل میسی کو 2023ء کے لیے سال کا بہترین پلیئر منتخب کیا گیا، انہوں نے تیسری مرتبہ پلیئر آف دی ایئر کا اعزاز حاصل کیا ہے ۔مجموعی ووٹنگ کے بعد ایرلنگ ہالینڈ اور میسی کے درمیان ٹائی ہوا تھا۔ میسی اور ہالینڈ کے پوائنٹس 48، 48 تھے اور فیفا ایوارڈ قوانین کے مطابق میسی کو دیگر کپتانوں کی اولین چوائس ہونے کی بنیاد پر منتخب کیا گیا۔لیونل میسی نے اس سے قبل 2019ء اور 2022ء میں بھی یہ ٹائٹل جیتا تھا۔مینز پلیئر آف دی ایئر کی لسٹ میں کلییان ایمباپے 35 پوائنٹس سے تیسرے نمبر پر آئے ۔برازیل کے ایڈرٹن بہترین گول کیپر ،سپین کی آئیتانا بونماتی خواتین کی بہترین پلیئرجبکہ سال کے بہترین گول کا پوسکاس ایوارڈ برازیل کے میڈروگا کو دیا گیا۔