محسن نقوی سے نیوزی لینڈ سیکورٹی وفد کی ملاقات

اسلام آباد (سپورٹس نیوز) نیوزی لینڈ سیکیورٹی وفد نے آ?ندہ ماہ پاکستان کا دورہ کرنیوالی نیوزی لینڈ کرکٹ ٹیم کے سیکیورٹی پلان پر اطمینان کا اظہار کردیا۔ چیئرمین پی سی بی محسن نقوی سینیوزی لینڈ کے دو رکنی سکیورٹی وفد جس میں نیوزی لینڈ پلیئرز ایسوسی ایشن کے چیف ایگزیکٹو آفیسر ہیتھ ملز اور سکیورٹی کنسلٹنٹ ریگ ڈکاسن شامل تھے نے ملاقت کی جس میں کیوی وفد کو پاکستان کرکٹ بورڈ کی جانب سے کیے گئے سیکورٹی اقدامات سے آگاہ کیا۔ملاقات میں نیوزی لینڈ کرکٹ ٹیم کے دورہ پاکستان کے انتظامات اور سکیورٹی پلان پر تفصیلی تبادلہ خیال بھی ہوا۔ چیئرمین پی سی بی محسن نقوی نے کیوی وفد کو فول پروف سکیورٹی انتظامات کی یقین دہانی کراتے ہوے کہا کہ نیوزی لینڈ کرکٹ ٹیم کے کھلاڑی پاکستان کے مہمان ہیں۔ کیوی ٹیم کے لئے بہترین سکیورٹی انتظامات کئے جائیں گے۔