مضر صحت اشیاء کی فروخت عام ، شہری بیماریوں میں مبتلا

ساہیوال(بیوروچیف) سموسے پکوڑے مالکان لوگوں کی صحت سے کھلواڑ کرنے لگے بازاروں میں مضر صحت مصالحے اور مضر صحت آلو کا بے دریغ استعمال، عوام الناس کو مختلف بیماریوں میں مبتلا کرنے لگے’ محکمہ پنجاب فوڈ اتھارٹی کے ڈاکٹرز اور اہلکار صرف لائسنس چیک کرنے اور سالانہ فیسوں کی رسیدیں دینے تک محدود عوامی حلقوں کے نمائندوں اور شہریوں کا پنجاب فوڈ اتھارٹی کے اعلیٰ افسران سے اصلاح احوال کا مطالبہ۔ شہریوں و عوامی حلقوں کے نمائندوں نے گفتگو کرتے ہوئے کہا کہ شہر اور گردونواح میں سموسے پکوڑے شاپ مالکان پیسے کمانے کی حبس میں لوگوں کی صحت سے کھیلنے لگے ہیں۔ سموسے پکوڑے شاپ مالکان سبزی منڈی سے گلے سڑے مضر صحت آلو پیاز اور ناقص مصالحہ جات سے سموسے پکوڑے تیار کر کے فروخت کرنے لگے جبکہ فوڈ اتھارٹی کے ڈاکٹر اور عملہ لائسنس اور فیس کی رسیدی دینے تک محدودہیں۔ عوامی حلقوں کے نمائندوں اور شہریوں نے فوڈ اتھارٹی کے اعلیٰ افسران سے استدعا کی ہے کہ بازاروں میں سموسے پکوڑے فروخت کرنے والوں کے استعمال میں آئل ودیگر آشیاء کے سیمپل لیے جائیں۔