سعود شکیل کے ٹیسٹ کرکٹ میں تیز ترین ایک ہزار رنز مکمل

راولپنڈی (سپورٹس نیوز ) قومی ٹیسٹ ٹیم کے نائب کپتان سعود شکیل نے پاکستان کے لیے ٹیسٹ کرکٹ میں کم ترین اننگز میں 1000 رنز مکمل کرنے کا 65 سالہ ملکی ریکارڈ برابر کردیا۔ انہوں نے کم ترین اننگز میں 1000 ٹیسٹ رنز مکمل کرنے کا سعید احمد کا 65 سالہ ملکی ریکارڈ برابر کیا۔دونوں کھلاڑیوں نے 20،20 اننگز کھیل کر یہ اعزاز اپنے نام کیا ہے۔صادق محمد 22 اننگز میں 1000 رنز مکمل کرکے اس فہرست میں دوسرے، جاوید میانداد 23 اننگز کے ساتھ تیسرے جب کہ توفیق عمر ، عابد علی اور عبداللہ شفیق 24،24 اننگز میں 1000 ٹیسٹ رنز مکمل کرکے اس فہرست میں چوتھے نمبر پر ہیں۔