حضور کی حیات طیبہ امت مسلمہ کیلئے مشعل راہ ہے،قاری خلیل الرحمن

سمندری (بیورو چیف) معروف عالم دین ڈاکٹر قاری خلیل الرحمن جاوید آف کراچی نے کہا ہے کہ مو جودہ پر فتن دور میں دنیا و آخرت میں کامیابی کیلئے نبی کریم ۖکے بتائے ہوئے اصولوں کے مطابق اپنی زندگیاں گزاریں حضور نبی کریم کی زندگی امت مسلمہ کیلئے مشعل راہ ہے وہ مرکزی جمعیت اہلحدیث واہل حدیث یوتھ فورس کے زیر اہتمام جامع مسجد اہلحدیث نہر بازار میں 158ویں ماہانہ تبلیغی اصلاحی اجتماع سے خطاب کر رہے تھے انہوں نے کہا کہ آج کے دور میں تمام مسالک خدا کو راضی کرنے کیلئے مساجد کی تعمیر کر تے ہیں ضرورت اس امر کی ہے کہ ہمیں اپنے رب کریم کو اگر راضی کر نا ہے تو جس طرح حضور نبی کریم نے اپنی زندگی میں اپنے رب کو راضی کیا اس پر عمل پیرا ہونا پڑے گا اسی میں ہماری بقا و سلامتی ہے مسائل سے نجات کا واحد ذریعہ قر آن و سنت کی تعلیمات پر عمل پیرا ہونے میں مضمر ہے قبل ازیں ڈاکٹر قاری خلیل الرحمان جاوید کا سمندری پہنچنے پر شہر سے باہر بائی پاس پر ا ستقبا ل کیا گیا اور ایک بڑے جلوس میں انہیں مسجد اہل حدیث لایا گیا ۔