فضائی آلودگی سے1کروڑ سے زائد بچوں کو شدید خطرات

لاہور (بیوروچیف ) اقوام متحدہ کے ادارہ برائے اطفال ( یونیسیف )نے خبردار کیا ہے کہ پاکستان کے صوبہ پنجاب میں شدید آلودہ فضا لوگوں، بشمول پانچ سال سے کم عمر کے 1.1 کروڑ سے زیادہ بچوں کے لیے سنگین خطرات کا باعث بن رہی ہے۔یونیسیف کی جانب سے جاری کردہ ایک بیان میں کہا ہے کہ پنجاب کے صوبائی دارالحکومت لاہور اور کئی دیگر اضلاع میں گذشتہ ہفتے فضائی آلودگی نے ریکارڈ توڑ دیے، جو عالمی ادارہ صحت کے فضائی معیار کے رہنما اصولوں سے سو گنا زیادہ تھی۔بیان میں کہا گیا ہے کہ متاثرہ شہروں میں سینکڑوں افراد، بشمول درجنوں بچوں کو ہسپتال میں داخل کرایا گیا ہے، اور آلودگی اتنی شدید ہے کہ یہ خلا سے بھی نظر آتی ہے۔ یونیسف کا کہنا ہے کہ جیسا کہ صوبہ پنجاب میں سموگ برقرار ہے چھوٹے بچے آلودہ، زہریلی ہوا میں سانس لینے پر مجبور ہیں جو انتہائی تشویشناک صورتحال ہے۔ پاکستان میں پانچ سال سے کم عمر بچوں کی اموات میں سے تقریبا 12 فیصد فضائی آلودگی کی وجہ سے ہوتی تھیں۔