26ویں ترمیم کی منظوری میں کردارمحسن نقوی کا مولانا کا شکریہ

اسلام آباد (بیوروچیف) وفاقی وزیرداخلہ محسن نقوی نے سربراہ جے یو آئی مولانا فضل الرحمان سے ملاقات کی ہے، ملاقات میں باہمی دلچسپی کے امور اور ملک کی مجموعی صورتحال پر تبادلہ خیال کیا گیا۔ ملاقات میں وفاقی وزیرداخلہ محسن نقوی نے مولانا فضل الرحمان کی خیریت دریافت کی، نیک تمنائوں کا اظہارکیا، وزیر داخلہ نے 26ویں آئینی ترمیم کی منظوری میں تاریخ سازکردار پر مولانا فضل الرحمان کا شکریہ ادا کیا۔ وفاقی وزیرداخلہ محسن نقوی نے کہا مولانا فضل الرحمان نے ہمیشہ پاکستان کے مفادات کو مقدم رکھا ہے، مولانا فضل الرحمان نے کہا ہماری ترجیح پاکستان اورپاکستانی عوام ہیں،سینیٹرکامران مرتضی بھی اس موقع پرموجود تھے۔